Риддерде биатлоннан жастар, жасөспірімдер және қыздар арасындағы Қазақстан Республикасының чемпионаты басталды. Сайыста барлығы 7 құрамадан, 93 спортшы бақ сынасуда.

Шығысқазақсатндық биатлоншылардан бөлек, Павлодар, Ақтөбе, Ақмола, Солтүстік Қазақстан, Қарағанды облыстарының және Алматы қаласының спортшылары шеберлік байқасуда. Жеңімпаздар мен жүлдегерлер биатлонның мынадай түрлері бойынша белгілі болмақ: эстафеталық жарыс 1+1, 2+2, спринт, із кесу сайысы, сондай-ақ, жекелей жарыс. Жалпыкомандалық есептегі жеңістен үмітті командалардың бірі Шығыс Қазақстан облысының құрамасы болып табылады.

– Аталмыш чемпионат қорытындысында ақпан айының соңында Эстонияның Отепя қаласында өтетін Әлем чемпионатында өнер көрсететін ҚР жасөспірімдер және жастар командасы жасақталмақ,– деді биатлоннан ШҚО бас бапкері Александр Барило.

ШҚО Дене шынықтыру және спорт

 басқармасының баспасөз қызметі