Өскеменде мемлекеттік қызметкерлер арасында облыстық спартакиаданың шағын-футбол жарысы аяқталды

ШҚО-да мемлекеттік қызметкерлер арасында XVI облыстық спартакиада жалғасын табуда. Спорттық шарада облыстық басқармалар арасында шағын футбол бәсекесінің жеңімпаздары анықталды.

Мемлекеттік қызметкерлер арасындағы шағын футбол жарысына барлығы 11 облыстық басқарма командалары қатысты. Желтоқсанның 9 күні іріктеуден іркілмей өткен құрамалар келесі күні жүлде үшін сайысты. Барлық ойында қарсыластарынан басым түскен ШҚО Ішкі саясат басқарамасы шағын футболдан облыстық спартакиаданың жеңімпазы атанды. ШҚО дене шынықтыру және спорт басқармасы, ШҚО жер қатынастары басқармасы, ШҚО мемлекеттік сатып алу және коммуналдық меншік басқармасы біріккен құрамасы 2 орынға жайғасса, ШҚО энергетика және тұрғын үй-коммуналдық шаруашылық басқармасы құрамасы жүлделі 3 орынды қорытындылады.