Шығыс Қазақстан облысы спортының тарихында алғаш рет еркін күрестен спортшы әлем Чемпионатының жүлдегері болып танылды.

Өткен жылы Нұр-Сұлтан қаласында еркін күрестен әлем чемпионаты өткен еді. Отандық спортшылардың құрамында өнер көрсеткен шығысқазақстандық Данияр Қайсанов 74 келі салмақ дәрежесінде үшінші орынға Франциядан келген Зелимхан Хаджевпен таласады. 3:4 есебімен жеңіске жеткен Зелимхан сол кезде қола жүлдегер атанған еді.

Алайда жуықта ғана тәуелсіз антидопингтік тексеру ұйымының (ІТА) жұмыс қорытындысы бойынша чемпионатқа қатысқан үш спортшының қанынан допинг табылған. Олардың ішінде Зелимхан Хаджев те бар. Осыған байланысты оның көрсеткіші жарамсыз деп танылып, қол жүлде Данияр Қайсановқа бұйырды.

ШҚО Дене шынықтыру және спорт басқармасы

Баспасөз қызметі