15 қаңтарда Баку қаласында Мувшиг Исаевты еске алуға арналған еркін күрестен XXIII Халықаралық турнир өтті.

Шығысқазақстандық «Қажымұқан Мұңайтпасұлы атындағы Күрес түрлерінен балалар және жасөспірімдер спорт мектебінің» тәрбиеленушілері Илияс Ерболатов пен Нұрдаулет Бекенов жүлдемен оралды. Қазақстандық спортшылардан бөлек Өзбекстан, Грузия, Ресей спортшылары бақ сынасқан жарыстан Илияс Ерболатов 71 кг салмақ дәрежесінде күміс медаль иеленсе, Нұрдаулет Бекенов 92 кг салмақ дәрежесінде қола жүлдені қанжығасына байлады.

Аталмыш тәрнир дәстүрлі түрде әр жыл сайын өткізіледі.

ШҚО Дене шынықтыру және спорт басқармасы

Баспасөз қызметі