Өскеменде «Ольга Рыпакова» атындағы жеңіл атлетика орталығында жасөспірімдер арасында жеңіл атлетикадан ҚР Чемпионаты басталды.

Ел біріншілігіне барлық аймақтардан 600-ге жуық спортшы қатысуда. Жарыстың ашылу салтанатында ШҚО Дене шынықтыру және спорт басқармасының басшысы Денис Рыпаков спортшыларды құттықтап, жылы лебізін білдірді.

– Шығыс Қазақстан облысында жеңіл атлетика қарқынды дамып келеді. Аймақ басшылығы да көңіл жөліп, жағдай жасауда. Сіздерге жарысты сәтті өткізіп, жаңа рекордтар орнатып, жеңіске жетулеріңізге тілектеспін, – деді Денис Рыпаков.

Естеріңізге сала кетсек, 30-31 қаңтарда облыс чемпионаты өткен еді. 200 спортшы арасынан іріктелген атлеттер қазірде аталмыш жарыста аймақ намысын қорғауда. Чемпионат 13 ақпанға дейін өтеді.

ШҚО Дене шынықтыру және спорт басқармасы

Баспасөз қызметі