21-23 ақпан аралығында Өскеменде еркін күрестен 23 жасқа дейінгі еркін күрестен Қазақстан Республикасының Чемпионаты өтеді. Аталмыш біріншілік Абай Құнанбайұлының 175 жылдығына орайластырылып отыр.

Чемпионатқа жалпы саны 250-ден астам спортшы қатысады деп күтілуде. Олардың арасында Шығыс Қазақстаннан жуықта өткен облыс чемпионатының жеңімпаздары да бар. Сондай-ақ, аймақтан «Қажымұқан Мұңайтпасұлы атындағы Күрес түрлерінен балалар және жасөспірімдер спорт мектебінің» тәрбиеленушілері қатысады.

Сайыста жеңіске жеткен спортшылар қыркүйекте өтетін әлем Чемпионатында ел намысын қорғамақ.

ШҚО Дене шынықтыру және спорт басқармасы

Баспасөз қызметі